Qazaqstanda 600-den astam aýyl zamanaýı telekommýnıkasııalyq tehnologııalarmen qamtylmaǵan. Bul týraly QR Sıfrlyq damý, ınnovasııalar jáne aeroǵarysh ónerkásibi vıse-mınıstri Málik Oljabekov Digital Bridge halyqaralyq tehnologııalyq forýmynda aıtty, dep habarlaıdy Egemen.kz.
«Qazaqstanda 600-den astam aýyl zamanaýı telekommýnıkasııalyq tehnologııalarmen qamtylmaǵan. Sondyqtan spýtnıktik baılanys sheshimderi osy aýyldardyń aýmaǵyn qamtýǵa múmkindik beredi. Bul turǵyda biz halqy az eldi mekender týraly aıtyp otyrmyz. Osyǵan qaramastan, aýyldarǵa zamanaýı baılanys júıesin tartý - mańyzdy máselelerdiń biri», dedi Málik Oljabekov,
Digital Bridge halyqaralyq tehnologııalyq forýmy úshinshi ret ótip jatyr. Bıylǵy forýmnyń taqyryby - Digital Era Lifestyle. QR sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın «Sıfrlandyrý, ınnovasııalar jáne ǵylym arqyly tehnologııalyq serpilis» ulttyq jobasyn tanystyrdy. Forýmnyń iskerlik baǵdarlamasy 20 paneldik sessııadan turady, onda 70-ten astam spıker - halyqaralyq jáne Qazaqstandyq IT-qaýymdastyqtardyń ókilderi sóz sóıleıdi.
Elimizde úshinshi ret ótip jatqan Digital Bridge alańynda dástúrli túrde Astana Hub Battle-de tehnologııalyq startaptar jarysýda, al eń myqty IT-kompanııalar Astana Hub Awards syılyǵy aıasynda marapattalatyn bolady. Bıylǵy jyly is-sharalar gıbrıdti formatta ótedi – birqatar resmı is-sharalar oflaın rejımde ótse, forýmnyń negizgi bóligi onlaın nusqada usynylady, oǵan kez kelgen adam qatysa alady.