Ázirbaıjan bıligi arnaıy karantındik rejımdi 2022 jyldyń 1 qańtaryna deıin uzartty, dep habarlaıdy Egemen.kz 24.kz-ke silteme jasap.
Barlyq qoldanystaǵy shekteýler kúshinde qaldy. Atap aıtqanda, eske alý rásimderin ótkizýge tyıym salynady, úılený toılarynda jáne basqa da merekelerde shekteýli qonaqtardyń qatysýyna ruqsat etiledi. Barlyq osyndaı is-sharalarǵa qatysýshylar tek vaksınasııa týraly sertıfıkattar bolǵan jaǵdaıda ǵana jiberiledi.
Estonııa COVID-19-ǵa baılanysty jańa shekteýler engizýde. Maskalardy tipti saýnalarda, spa-da jáne akva ortalyqtarynda da kııý mindetteldi. Sonymen qatar 1 qarashadan bastap elde qoǵamdyq tamaqtaný jumystarynyń qyzmeti shekteledi. Jumys kúnin 6:00-den bastaýǵa jáne 23:00-den keshiktirmeı aıaqtaýǵa ruqsat etiledi. Jańa erejeler 12 jastan asqan barlyq adamdar úshin qoldanylatyn bolady.
Ýkraınada pandemııa bastalǵannan bergi bir kún ishinde anyqtalǵan koronavırýs jaǵdaılarynyń sany boıynsha taǵy bir antırekord tirkeldi – 26 810 jańa jaǵdaı.