AQSh-qa tıesili USS Connecticut ıadrolyq súńgýir qaıyǵy qazan aıynda Ońtústik Qytaı teńizindegi belgisiz teńiz taýymen soqtyǵysqan, dep habarlaıdy Egemen.kz.
«Tergeýler USS Connecticut súńgýir qaıyǵynyń Úndi-Tynyq muhıtyndaǵy halyqaralyq sýlarda belgilenbegen teńiz taýymen soqtyǵysqanyn anyqtady», dedi 7-shi flottyń ókili Heılı Sıms.
Oqıǵaǵa qatysty tergeý ótken aptada aıaqtaldy. Onyń nátıjeleri 7-shi flottyń qolbasshysy vıse-admıral Karl Tomasqa berildi. Ol oqıǵaǵa baılanysty qandaı shara qabyldaý qajet ekenin anyqtaýy kerek.
Súńgýir qaıyq taýmen soqtyǵysqan kezde ballasttyq sısternalar zaqymdalǵan. Soqqy súńgýir qaıyqtyń tumsyǵyna tıgen. Atom elektr stansııasy men onyń quramdas bólikterine zaqym kelmegen.