Aqparat jáne qoǵamdyq damý mınıstrliginiń «Rýhanı jańǵyrý» baǵdarlamasyn úılestirý departamentiniń dırektory Ý.Tnalıev jáne Qazaqstan Respýblıkasy Mádenıet jáne sport mınıstrligi Mádenıet komıtetiniń tóraǵasy A.Abdýalıev «Ulttyq rýhanı jańǵyrý» jobasyn nasıhattaý maqsatynda Qazaq Ulttyq О́ner Ýnıversıtetiniń professor-oqytýshylar quramymen jáne stýdenttermen kezdesti, dep habarlaıdy Egemen.kz.
Kezdesý barysynda «Rýhanı jańǵyrý» baǵdarlamasyn úılestirý departamentiniń dırektory Ý.Tnalıev jobanyń baǵyty, maqsaty, mindetteri jáne iske asyrý tetikterimen tanystyrdy.
Ulttyq jobanyń birinshi baǵyty - «Rýhanı jańǵyrý» qundylyqtaryn ilgeriletý jáne memlekettik tildi damytý». Bul baǵyt boıynsha 38-is shara, 8 kórsetkish kózdelgen. Ekinshi «El Rýhy» baǵyty – mádenıet salasynda qoljetimdilik pen sapany arttyrý, 13 is – shara men 5 kórsetkishke jetý josparlanǵan. Úshinshi «Táýelsizdik urpaqtary» baǵyty. Bul – jastar úshin jańa múmkindikter ashý jáne olardy qoǵamdyq paıdaly isterge tartý mindetterin qamtıdy.
«2025 jylǵa deıin jastardyń bazalyq suranystaryn sheshý kerek. Iаǵnı, sapaly jáne qoljetimdi bilim berý, jumysqa ornalastyrý, turǵyn úımen qamtamasyz etý, jastardyń jan-jaqty damýyna quqyqtyq jaǵdaılar jasap, rýhanı-adamgershilik jáne otbasylyq qundylyqtarǵa baýlý óte mańyzdy. Jastardy qoǵamdyq paıdaly isterge tartyp, básekege qabiletti urpaq tárbıesine jańa múmkindikter ashý josparlanǵan. Bul máselelerdi sheshý úshin 15 úlken joba qolǵa alynyp, nátıjesinde 8 naqty kórsetkishke qol jetetin bolady» dedi Tnalıev.
Kezdesý barysynda Mádenıet komıtetiniń tóraǵasy A.Abdýalıev, «El Rýhy» baǵyty boıynsha negizgi 13 is-shara kózdelgendigin aıtyp, 2025 jylǵa deıin, 250-den astam mádenıet obektisin salý, 1200-den astam mádenıet obektisin jóndeý, shamamen 8-vızıt ortalyqtaryn salý, kózi kórmeıtin men nashar kóretinder úshin, onyń ishinde memlekettik tilde kitaphanalar qoryn ulǵaıtý, ǵylymı-restavrasııalaý jumystaryn júrgizý arqyly tarıhı-mádenı mura obektilerin saqtaý, ótkiziletin barlyq mádenı is-sharalar, teatr maýsymy, kitaphana, mýzeı jáne kórme qorlary týraly aqparatqa qoljetilimdikti qamtamasyz ete otyryp, «e-culture.kz» biryńǵaı elektrondyq platformasyn qurý kerektigin atap ótti.