Serbııa astanasy Belgrad qalasynda ótip jatqan álem chempıonatynyń fınalynda búgin eki qazaq boksshysy sharshy alańǵa shyǵatyny belgili. Birinshi bolyp rıngke 51 kılo salmaqtaǵy Sáken Bıbosynov kóterildi, dep habarlaıdy Egemen.kz.
Sharshy alańǵa julqynyp shyqqan Sáken Bıbosynov AQSh boksshysy Rosko Hıllmen qolǵap túıistirdi. Úsh raýnd boıy ózine tán mánerde qımyldaǵan Sáken qarsylasyna soqqylaryn dóp tıgizip, ulttyq qurama qorjynyna ekinshi altyn júldeni túsirdi. Oǵan deıin 48 kılo salmaq dárejesindegi sańlaǵymyz Temirtas Júsipov álem chempıony atanǵan bolatyn.