12 qarashada Táýelsiz Memleketter Dostastyǵy Úkimet basshylary keńesiniń otyrysy beınekonferensııa baılanysy formatynda ótedi, dep habarlaıdy Egemen.kz TMD Atqarýshy komıtetiniń baspasóz qyzmetine silteme jasap.
Úkimet basshylary TMD-daǵy ekonomıkalyq ózara is-qımyldyń ózekti máseleleri boıynsha pikir almasyp, ýran óndirýshi óndiristerdiń áserine ushyraǵan aýmaqtardy qalpyna keltirýge, temirjol kóligin damytýǵa qatysty taqyryptardy talqylaıdy.
Budan basqa, TMD Úkimet Basshylary Keńesi janyndaǵy jaýynger-ınternasıonalıster isteri jónindegi komıtettiń tóraǵasy týraly sheshim qabyldaý, ÚBK-niń kelesi otyrysynyń ótetin kúni men ornyn aıqyndaý josparlanýda.
Sondaı-aq, otyrysta 2022 jyly Táýelsiz Memleketter Dostastyǵynda halyq shyǵarmashylyǵy men mádenı mura jylyn ótkizý jónindegi is-sharalar josparynyń jobasy bekitiledi dep kútilýde.