Shvesııa premer-mınıstri Stefan Leven parlament spıkeri Andreas Nýrlenske otstavkaǵa ketý týraly ótinish berdi, dep habarlaıdy Egemen.kz.
Leven úkimet basshysy laýazymyna Ekonomıka jáne qarjy mınıstri Magdalena Anderssondy usyndy.
Buǵan deıin 5 qarashada Leven «Sosıal-demokratııalyq» partııanyń kóshbasshysy qyzmetinen ketken bolatyn. Mınıstr Magdalena Andersson sosıal-demokrattardyń jańa jetekshisi bolyp saılandy.
«Sosıal-demokratııalyq» partııa men «Jasyldar» partııasy qurǵan jańa koalısııalyq úkimet osy aptada parlamentte daýysqa salynady dep kútilýde.
Ortalyq partııa Anderssondy qoldaıtynyn aıtty.
Andersson Shvesııa úkimetin basqaratyn alǵashqy áıel bolýy múmkin.