Mańǵystaý oblysy ákiminiń orynbasary bolyp Álimuhammed Quttumuratuly taǵaıyndaldy, dep habarlaıdy Egemen.kz.
Álımuhammed Quttumuratulynyń «ekonomıka» jáne «quqyqtaný»mamandyqtary boıynsha eki joǵary bilimi bar, sondaı-aq, ol - Reseı prezıdenti janyndaǵy Reseı halyq sharýashylyǵy jáne Memlekettik qyzmet akademııasynyń MPA (Master of Public Administration) magıstranty.
Eńbek jolyn kommersııalyq qurylymdardan bastaǵan. 2008 jyldan 2012 jylǵa deıin jergilikti atqarýshy organdar júıesinde túrli laýazymdardy atqardy. 2012-2016 jyldary Oral qalasy ákiminiń orynbasary, Atyraý oblysy ákimi apparatynyń basshysy, Atyraý oblysy Tabıǵı resýrstar jáne tabıǵat paıdalanýdy retteý basqarmasynyń basshysy qyzmetterin atqarǵan. 2016 jyldan 2017 jylǵa deıin Mahambet aýdanynyń ákimi qyzmetin atqardy. 2017-2018 jyldary - Atyraý oblysy Jylyoı aýdanynyń ákimi. 2020 jyldyń qyrkúıeginen bastap búgingi kúnge deıin «Jaıyqmunaı» JShS Bas dırektorynyń orynbasary qyzmetin atqardy. Álimuhammed Quttumuratuly 2021 jyldyń qyrkúıeginen bastap Mańǵystaý oblysyn basqaryp otyrǵan Nurlan Noǵaev Atyraý oblysynyń ákimi bolǵanda da birge jumys istegen.Nurlan Noǵaev oblys jańa orynbasaryn tanystyryp, birqatar naqty mindetter qoıdy.
Aıta keteıik, buǵan deıin oblys ákiminiń orynbasary qyzmetin Nurlybaı Aqqulov atqaryp kelgen bolatyn. Ol densaýlyq jaǵdaıyna baılanysty óz erkimen ketkeni habarlandy.