QR Prezıdenti Qasym-Jomart Toqaev boryshkerlerdiń múlkine aýksıondar ótkizý tártibin ózgertýdi tapsyrdy, dep habarlaıdy Egemen.kz.
«Eger qaryz alýshynyń satylǵan múlki negizgi borysh somasyn jappaǵan jaǵdaıda, onyń qalǵan bereshegi esepten shyǵarylýy tıis. Biraq bul boryshkerdiń basqa múlki joq jáne onyń tabysy eń tómengi jalaqynyń eki eselengen mólsherinen aspaǵan jaǵdaıda ǵana múmkin bola alady», dedi Qasym-Jomart Toqaev Ulttyq qoǵamdyq senim keńesiniń VI otyrysynda.
Memleket basshysynyń aıtýynsha, aýksıondyq saýda-sattyqtyń ashyqtyǵy men ádildigin qamtamasyz etý talap etiledi.
«Aýksıondyq saýda-sattyqqa qoıylǵan kepilge salynǵan múlik onyń baǵalaý qunynyń 70%-nan tómen qoıylmaýǵa tıis. Sonymen birge, mundaı saýda-sattyqqa kepil ustaýshylarǵa - bankterge, sondaı-aq olarmen affılırlengen olardyń qyzmetkerlerine jáne senim bildirilgen adamdarǵa jol berýge bolmaıdy, boryshkerdiń jáne onyń jaqyn týystarynyń saýda-sattyqqa bir mezgilde qatysýyn boldyrmaý qajet», dep túıindedi Prezıdent.