Bul týraly «Astana klýb» otyrysyna onlaın qatysqan Elbasy Nursultan Nazarbaev aıtty, dep jazady Egemen.kz.
«Biz elordamyzda qonaqtardy qabyldaýǵa daıynbyz. Elordamyz kún sanap kórkeıip jatyr. Bıyl Qazaqstan Táýelsizdiktiń 30 jyldyǵyn merekeleıdi. Qazaqstandaǵy eń bıik ǵımarat «Qazaqstan» munarasynyń ashylýyn atap ótemiz. Bul Ortalyq Azııadaǵy eń bıik ǵımarat. Árıne, Dýbaıdaǵy munaramen salystyrýǵa kelmeıdi. Bul ǵımarattyń uzyndyǵy 320 metrge teń. Táýelsizdiktiń 30 jyldyǵynda osy ǵımaratty ashamyz», dedi Elbasy.
Nazarbaev taǵy bir ǵımarattyń ashylýy 30 jyldyqqa arnalatynyn aıtty.
«О́te úlken meshit ashylady. Ondaı ǵımarat ta bizdiń aınalamyzdaǵy keńistikte joq. Osylaısha, mereıtoıymyzdy aıtýly sharalarmen atap ótemiz. Eń bastysy bul qalany halyq úshin yńǵaıly, ádemi, jasyl qyldyrǵymyz keledi. Bizdiń artyqshylyqtarymyz jeterlik. Jazda óte ystyq, qysta qatty sýyq. Biz oǵan úırenip te qaldyq. Álem bir-birin shynyqtyrǵan sııaqty. Tabıǵat pen aýa raıy bizdi myqty etedi. Densaýlyqtaryńyz myqty bolsyn», dedi Nursultan Nazarbaev.