Memleket basshysy Almaty qalasyna jumys saparynyń sońynda «Alatau Creative Hub» ınnovasııalyq ortalyǵyna bardy, dep habarlaıdy Egemen.kz Aqordaǵa silteme jasap.
Nysan «Shetsiz qala» strategııasyn júzege asyrý aıasynda byltyr jeltoqsan aıynda ashylǵan.
Ortalyqta kompıýterlik baǵdarlamalardy jasaýdy úırenýge, kreatıvti ındýstrııany damytýǵa, shyǵarmashylyq áleýet pen vırtýaldy ónerdi damytýǵa múmkindik bar. Jalpy munda túrli baǵyttar boıynsha 25 úıirme tegin jumys isteıdi.
Prezıdentke kitaphana, balalardyń oıyn alańy, vokal stýdııasy, IT zerthana, elektr tehnıkasy men robot tehnıkasy zaldary, dástúrli mýzykaǵa arnalǵan mýltımedııa ortalyǵy tanystyryldy.
Budan bólek Memleket basshysyna sıfrlandyrý quraldaryn qoldanýǵa, kreatıvti ındýstrııany damytýǵa arnalǵan prezentasııalar kórsetildi.
Almaty qalasynyń ákimi Baqytjan Saǵyntaev Prezıdentke qalanyń kólik júıesin damytý jóninde baıandady.
Qasym-Jomart Toqaev ortalyq qyzmetkerlerimen jáne onda kelýshilermen áńgimelesip, sýretke tústi, sondaı-aq olardyń jumysyna tabys tiledi.