Áskerı kóterilisten keıin taratylǵan Sýdan úkimetiniń basshysy Abdýlla Hamdýk óz mindetine qaıta oralady, dep habarlaıdy Egemen.kz «Anadoly» agenttigine silteme jasap.
Sýdandyq aqparat quraldarynyń habarlaýynsha, Hamdýk qazan aıynda bılikti basyp alǵan áskerılermen, Sýdan egemendik keńesiniń múshelerimen tıisti kelisimge kelgen.
Kelisimge sáıkes, Hamdýk bılikten qýylǵan Omar ál-Bashır prezıdenttigi kezindegi bıleýshi partııa Ulttyq kongressten basqa barlyq saıası kúshtermen keńeskennen keıin úkimetti qaıta qurady.
Áskerıler men Hamdýk birqatar máselelerde, sonyń ishinde barlyq saıası tutqyndardy bosatý týraly kelisimge keldi.