Qazaq ulttyq agrarlyq zertteý ýnıversıtetine Belgııa Koroldiginiń Qazaqstandaǵy elshisi Anrı Vantıgem jáne Vallon eksport jáne ınvestısııalar jónindegi agenttigi bas dırektorynyń keńesshisi Shantal De Ble (AWEX) bastaǵan delegasııa keldi, dep jazady Egemen.kz.
Delegasııa quramynda FIT agenttiginiń Ortalyq Eýropa elderi boıynsha óńirlik dırektory Bart Van den Bosh, Vallon agenttiginiń EýrAzEQ elderi boıynsha eksport jáne ınvestısııalar jónindegi óńirlik menedjeri (AWEX) Aleksandra Tonkıh, Qazaqstandaǵy Belgııa Koroldigi elshiliginiń saýda-ekonomıkalyq keńesshisi Aıjan Musaqanova, Eno provınsııasynyń Agronomııa jáne agroónerkásip halyqaralyq ortalyǵynyń (SARAH) agronomııa jónindegi menedjeri Fransýa Sernels, ProAniWal kompanııasynyń bas dırektory Paskal Lerýa bar.
Sapardyń maqsaty – ekijaqty ózara tıimdi yntymaqtastyqty ornatý jáne agroónerkásiptik keshen salasyndaǵy birlesken ǵylymı ınnovasııalyq jobalardy iske asyrý.
Shantal De Ble hanymnyń aıtýynsha, QazUAZÝ ǵalymdary Belgııanyń aýyl sharýashylyǵy daqyldaryn ósirý jónindegi tájirıbesin zerdelep, alynǵan tájirıbeni elimizdegi kartop transfertine jáne onyń beıimdelýin qoldana alady.
Kezdesý barysynda Qazaqstan-Belgııa arasyndaǵy joǵary bilim berý, ǵylymı-zertteý qyzmeti men aýyl sharýashylyǵy salasyndaǵy jańa múmkindikterdi arttyrý máseleleri talqylandy.
Eno provınsııasynyń Agronomııa jáne agroónerkásip halyqaralyq ortalyǵynyń (CARAH) agronomııa jónindegi menedjeri Fransýa Sernels QazUAZÝ ǵalymdarymen yntymaqtastyq ornatý jónindegi bastamalardy qoldaıtynyn jáne birlesken jobalar jasaý jóninde óziniń usynystaryn bildirdirdi. CARAH – fermerlerge ozyq agrotehnologııalardy engizýge kómektesetin kommersııalyq emes qaýymdastyq. Bizdiń ǵalymdarymyzdyń osy kompanııa mamandarymen yntymaqtastyǵy Qazaqstanda kartop daqyldaryn kóbeıtý úshin jańa agrotehnologııalardy engizýge, sondaı-aq fermerlerdiń quzyretin arttyrýǵa múmkindik beredi dep sanaımyn. Eger jemis-kókónis sharýashylyǵy ǵylymı-zertteý ınstıtýty bizdiń ýnıversıtettiń basqarýynda ekendigin eskeretin bolsaq, onda osy baǵytta jergilikti ǵylymı ortalyqtardyń mamandarymen ózara yntymaqtastyqtyń tıimdiligi arta túsetinine senim mol.
О́z sózinde QazUAZÝ Basqarma tóraǵasy - rektor Tilektes Espolov ýnıversıtet óz tarapynan agrokeshen salasyndaǵy ónim óndirýdi ulǵaıtýǵa yqpaly tıetin barlyq birlesken ınnovasııalyq ǵylymı jobalardy júzege asyrýǵa barlyq jaǵdaıdy jasaıdy dep sendirdi.
QazUAZÝ mıkroklonaldy kóbeıý zerthanasynda kartopty vırýssyz otyrǵyzý materıalyn shyǵarýǵa bolady. Sondaı-aq jemis-kókónis sharýashylyǵy ǴZI zerthanalaryn da osy ıgilikti iske qosý qajet dep oılaımyz. Bolashaqta elimizde kartopty óńdeýdi joǵary deńgeıge kóterý josparlanýda. Oǵan oqý ornymyzdyń bilikti ǵalymdary da óz úlesterin qosatyn bolady.
Kezdesý barysynda ProEnıVol (ProAniWal) kompanııasynyń bas dırektory Paskal Lerýa mal sharýashylyǵy salasynda birlesip jumys isteý tásilderin usynyp, kompanııanyń mal sharýashylyǵy salasyndaǵy tájirıbesimen bólisýge daıyn ekenin jetkizdi.
Kezdesý sońynda qonaqtar Vagenıngen ınstıtýty, О́simdikterdiń mıkrokanaldy kóbeıý zerthanasy, Agrotehnıkalyq jáne Sý Habtarynda, Qazaqstan-Belarýs agroınjenerlik ınnovasııalyq jáne Qazaq-Japon Azyq-túlik tehnologııalary ortalyqtarynda, Sút jáne sút ónimderiniń referenttik zerthanasynda bolyp, ǵylymı izdenisterdiń jetistikterimen tanysty.
Belgııalyq qonaqtardyń QazUAZÝ bazasyndaǵy damyǵan ǵylymı-ınnovasııalyq ınfraqurylym men ǵalymdardyń qyzmetine joǵary baǵa bergeni qýantady. ProAniWal, CARAH jáne Awex ýnıversıtetpen mal sharýashylyǵy, veterınarııa, agronomııa salalarynda yntymaqtasýǵa nıet bildirdi.