«Barys» búgin Qurlyqtyq hokkeı lıgasyndaǵy kezekti oıynyn elordada Reseıdiń «Torpedo» komandasyna qarsy ótkizdi, dep habarlaıdy Egemen.kz.
«Barystyń» bıylǵy týrnırdiń sońǵy alty kezdesýiniń ekeýinde joly boldy, qalǵanynda qarsylastaryna ese jiberip qoıdy.
Sondyqtan elordalyq komanda úshin árbir oıynnyń mańyzy artyp tur. Oıynnyń 4-mınýtta «Barys» sapynan Kodı Kýnık esep ashsa, 13-mınýtta Iаkob Lılıa esepti ústemeleı tústi. Ekinshi kezeńniń 15-mınýtynda qazaqstandyq komandadan Lınden Veı kózdegen nysanadan múlt ketken joq. Odan keıin «Torpedo» sapynan Artıom Mıheev 34, Zııat Paıgın 44-mınýttarda mergendigimen tanyldy. Al Iаkob Lılıa 46-mınýtta qaıtadan «Barystyń» basymdyǵyn arttyrdy.
Kezdesýde «Barys» qarsylasyn 4:2 esebimen súrindirdi. Osylaısha qatarynan úsh márte jeńiske jetti.
Aıta ketsek, eki komanda arasyndaǵy sońǵy alty kezdesýdiń tórteýinde qazaqstandyq klýb jeńiske jetti. «Barys» endi kelesi oıynyn 27 qarashada elordada Reseıdiń «Vıtıaz» (Podolsk) komandasyna qarsy ótkizedi.