QR Premer-Mınıstriniń orynbasary Eraly Toǵjanov aldaǵy jyldary medısına qyzmetkerleriniń jalaqysyn kóterýge qarastyrylǵan qarajattyń somasyn atady, dep habarlaıdy Egemen.kz.
«Budan basqa, Memleket basshysynyń 2020-2025 jyldarǵa arnalǵan Qazaqstan halqyna Joldaýyn iske asyrý aıasynda medısına qyzmetkerleriniń jalaqysyn kezeń-kezeńimen arttyrý kózdelgen», dep eske saldy Eraly Toǵjanov depýtattyq saýalǵa bergen jaýabynda.
Onyń aıtýynsha, 2021 jyldyń 1 qańtarynan bastap densaýlyq saqtaý salasynyń 247 myń medısına qyzmetkeri, onyń ishinde: dárigerlerdiń jalaqysy orta eseppen 30%-ǵa (246,1-den 319,9 myń teńgege deıin), orta medısına qyzmetkerleriniń jalaqysy 20%-ǵa (144,6-dan 173,5 myń teńgege deıin) ósti.
2023 jylǵa qaraı medısına qyzmetkerleriniń jalaqysyn ekonomıkadaǵy ortasha jalaqyǵa qatysty 2,5 esege deıin (561 myń teńgege deıin) arttyrý josparlanýda. Bul maqsattarǵa 2021 jylǵa - 222,3 mlrd teńge, 2022 jylǵa - 361,7 mlrd teńge, 2023 jylǵa - 557,4 mlrd teńge somasynda qarajat kózdelgen, onyń ishinde: respýblıkalyq bıýdjet qarajaty esebinen 2021 jyly - 156,8 mlrd teńge, 2022 jyly - 255,1 mlrd teńge, 2023 jyly - 393,1 mlrd teńge, MÁMS qarajaty esebinen 2021 jyly - 65,5 mlrd teńge, onyń ishinde: 2022 jyly - 106,6 mlrd teńge, 2023 jyly - 164,4 mlrd teńge bólindi.