Qarjy monıtorıngi agenttiginiń Aqtóbe oblysy boıynsha aýmaqtyq departamenti qarjy pıramıdasynyń belgileri bar «Crowd 1»kompanııasyn anyqtady, dep habarlaıdy Egemen.kz.
Jedel-izdestirý sharalary barysynda qarjy pıramıdasyn uıymdastyrǵandar ózderin «Crowd 1» halyqaralyq jelilik uıym retinde tanystyryp, halyqqa vırtýaldy jer ýchaskelerin satyp alý úshin paketterge aqsha ınvestısııalaýdy usynǵany anyqtaldy.
Paketter aq, qara, altyn jáne tıtan dep birneshe túrge bólingen. Quny 99 eýrodan bastalyp, 2 499 eýroǵa deıin jetken.
«Osylaısha, uıymdastyrýshylar kompanııaǵa aktıvterdi tartyp, adamdardy táp-táýir paıda tabýǵa bolatynyna sendirgen», dep habarlaıdy qarjy monıtorıngi agenttigi.
Qazir bul fakti boıynsha Qylmystyq kodekstiń 217-baby 1-bóligi boıynsha sotqa deıingi tergeý júrip jatyr.
Agenttik «Crowd 1»qarjy pıramıdasynyń qurbany bolǵan azamattardan Aqtóbe oblysy boıynsha Ekonomıkalyq tergeý departamentine Aqtóbe qalasy, 8 naýryz 3A kóshesi mekenjaıy boıynsha nemese 8 (7132) 97-51-51 senim telefony arqyly habarlasýdy surady.
Buǵan deıin Aqmola oblysynda qarjy pıramıdasynyń belgileri bar River Coins Limited kompanııasy anyqtalǵany habarlanǵan edi.