Almaty oblysynda jol apaty saldarynan 47 jastaǵy almatylyq jáne toǵyz aılyq sábı qaza boldy, dep habarlaıdy Egemen.kz.
Bul týraly Polisia.kz saıty málimdedi.
Oqıǵa 16 jeltoqsanda saǵat 14:00 shamasynda Jambyl aýdany Jańaqurylys aýylynyń batys baǵytynda 58 kılometrde Almaty-Bishkek tasjolynda bolǵan. Eńbekshiqazaq aýdany Qaınazar aýylynyń 26 jastaǵy turǵyny Chevrolet Cruze avtokóligi tizgininde VAZ-21063 avtokóligimen soqtyǵysqan.
«Apat saldarynan Chevrolet Cruze avtokóliginiń júrgizýshisi men jolaýshysy Almaty qalasynyń 21 jáne 30 jastaǵy turǵyny 9 aılyq balasymen aýrýhanaǵa jetkizildi. Almaty qalasynyń 47 jastaǵy turǵyny oqıǵa ornynda qaza boldy. Bala alǵan jaraqatynan emdeý mekemesinde eki saǵattan keıin qaıtys boldy. VAZ-21063 avtokóliginiń júrgizýshisi men onyń jolaýshysy Sarybastaý aýylynyń 59 jastaǵy turǵyny túrli jaraqatpen aýrýhanaǵa jetkizildi», delingen saıtta.
Derek QR QK-niń 345-baby 4-bóligi («Avtomobıldi basqaratyn adamnyń eki adamnyń ólimine ákep soqqan Jol júrisi qaǵıdalaryn buzýy») boıynsha SDTBT-de tirkeldi. Chevrolet Cruze avtokóliginiń júrgizýshisi qamaýǵa alyndy.