Qostanaıdaǵy temirjol ótkelinde avtokólik poıyzben soqtyǵysqan, dep habarlaıdy Egemen.kz oblystyq polısııa departamentine silteme jasap.
«Búgin tańerteń Avtoson aýdanynda JKO oryn aldy – «Nur-Sultan-Oral» baǵytyndaǵy poıyz temirjol ótkelinde Chevrolet Cruze markaly avtokólikpen soqtyǵysty. Kólikti 40 jastaǵy júrgizýshi basqarǵan. Qazirgi ýaqytta oqıǵa ornynda kezekshi jedel-tergeý toby jumys istep jatyr», dep túsindirdi departamentten.
Júrgizýshi baǵdarshamnyń qyzyl shamyn elemeı, ótkelden ótip ketýge tyrysqany anyqtaldy. Júrgizýshi aýyr halde aýrýhanaǵa jetkizildi. Qajetti tergeý áreketteri júrgizilýde.