Nur-Sultan-Qaraǵandy tas jolynda avtobýs pen jeńil avtokólik soqtyǵysty, dep habarlaıdy Egemen.kz.
Apat bolǵan jerde túsirilgen beınebaıan Instagram-da jarııalandy.
Elordalyq polısııa departamenti jol apaty 09:42-de oryn alǵanyn habarlady.
«Toyota Yaris markaly avtokóliginiń 36 jastaǵy júrgizýshisi Nur-Sultan-Qaraǵandy tas jolymen júrip, basqarýdy ıgere almaı, qarsy qozǵalys jolaǵyna shyǵyp ketken. Sol mezette oǵan qarsy baǵytta kele jatqan VECO Crossway markaly marshrýttyq avtobýsymen betpe-bet soǵyldy. Jol-kólik oqıǵasy saldarynan Toyota markaly kóliktiń júrgizýshisi alǵan jaraqatynan oqıǵa ornynda kóz jumdy. Avtobýs jolaýshylary zardap shekken joq», dep túsindirdi Nur-Sultan PD baspasóz qyzmeti.
Vedomstvoda atap ótkendeı, atalǵan fakti boıynsha qylmystyq is qozǵaldy.