Izraılde «flýrona» dep atalatyn koronavırýs pen tumaýdyń bir mezgilde paıda bolýynyń alǵashqy jaǵdaıy tirkeldi, dep habarlaıdy Egemen.kz. «Edıot Ahronot» basylymyna silteme jasap.
Basylymnyń jazýynsha, bir mezgilde tumaý men koronavırýs ınfeksııasy vaksına almaǵan bosanǵan áıelden anyqtalǵan.
«Ol kelgen kezde oǵan tumaý men koronavırýs dıagnozy qatar qoıyldy. Eki test te oń nátıje berdi, tipti biz qaıtadan teksergennen keıin de nátıje solaı boldy», deıdi Beılınson medısınalyq ortalyǵynyń gınekologııa bóliminiń meńgerýshisi, professor Arnon Vıjnıser.
Basylymnyń málimetinshe, Densaýlyq saqtaý mınıstrligi bul jaǵdaıdy zerttep jatyr. Paralleldi juqtyrý jaǵdaılary áli de bolýy múmkin, biraq olarǵa dıagnoz qoıylmaǵan.