QHL-dyń kezekti týrynda «Barys» óz aıdynynda «Dınamo» (Rıga) komandasyn qabyldap, qarsylasyn oısyrata jeńdi, dep habarlaıdy Egemen.kz.
Alǵashqy jıyrma mınýttyqta Roman Starchenko mergendigimen kózge tússe, ekinshi kezeńde Anton Sagadeev esep aıyrmasyn arttyrdy. Budan soń qonaqtar sapynan belsengen Martınsh Karsým esep aıyrmasyn qysqartty. Arada az ýaqyt ótkende Roman Starchenko ekinshi shaıbasyn soǵyp, esepti 3:1-ge jetkizdi.
Úshinshi kezeńde qazaqstandyq klýb qaharyna mindi. Iаkob Berglýnd bir márte mergendik tanytsa, Nıkıta Mıhaılıs dýbl avtory atandy. Roman Savchenko soqqan shaıba kezdesýdiń núktesin qoıdy. Qorytyndy esep 7:1. Elordalyq klýbtyń jańa jyldy jarqyn jeńispen bastaǵany kóńil qýantty.