Qostanaı oblysynda izdestirilgen 14 jastaǵy jasóspirim tabyldy, dep habarlaıdy Egemen.kz.
Kırıll Dýkart 3 qańtarda saǵat 10:00-de úıir jylqy izdeýge ketip, oralmaǵan. Ony izdeýge Tótenshe jaǵdaılar qyzmetiniń polıseıleri, kınologııalyq qyzmet kórsetý ortalyǵynyń qyzmetkerleri, eriktiler men jergilikti atqarýshy organdar shyqty. 110 adam men 26 tehnıka jumyldy.
Kırıll túnde Maıkól aýyldyq okrýgine qarasty Shemınovka aýlynda tabylǵan.
Alau.kz portalynyń málimetinshe, Kırıll qarly boran kesirinen adasyp, qaıtar jolyn tappaı qalǵan. Sóıtip, saǵat 23.30-da Shemınovka aýlyna jetip, birinshi kezdesken úıdiń esigin qaǵyp, jylynyp alýdy suraǵan. Sol úıdiń turǵyndary joǵalǵan adam tabylǵanyn habarlaǵan.
Jasóspirimdi medısınalyq qyzmettiń kezekshi qyzmetkerleri teksergen. Onyń jaǵdaıy turaqty.