Qazaqstan Respýblıkasy Premer-Mınıstri orynbasarynyń – Syrtqy ister mınıstriniń m.a. Muhtar Tileýberdi Eýropadaǵy qaýipsizdik jáne yntymaqtastyq uıymynyń (EQYU) Tóraǵasy – Polsha Respýblıkasynyń Syrtqy ister mınıstri Zbıgnev Raýmen telefon arqyly sóılesti, dep habarlaıdy Egemen.kz.
Bul týraly SIM baspasóz qyzmeti málim etti.
Mınıstr polıak áriptesin eldegi jaǵdaı týraly, sondaı-aq Ujymdyq qaýipsizdik sharty uıymy bitimgershilik kúshteriniń qatysýymen júrgizilip jatqan terrorızmge qarsy operasııa týraly egjeı-tegjeıli habardar etti.
EQYU is basyndaǵy Tóraǵasy jaqyndaǵy qaıǵyly oqıǵalarǵa baılanysty Qazaqstanǵa qoldaý bildirip, qaza tapqan qazaqstandyqtardyń januıalaryna kóńil aıtty jáne tez arada shıelenistiń deeskalasııasy men eldegi jaǵdaıdyń turaqtanýyn tiledi.
Sonymen qatar, taraptar ekijaqty jáne kópjaqty yntymaqtastyqtyń perspektıvalaryn talqylady.