Qyzylorda oblysyna 8 myń doza «Spýtnık-V» vaksınasy jetkizildi, dep habarlaıdy Egemen.kz.
Oblysta ótken táýlikte 124 adam koronavırýs juqtyrdy. Onyń 43-nen aýrý belgisi baıqalsa, 81-i sımptomsyz. Al ınfeksııalyq stasıonarda 368 naýqas em qabyldaýda. О́ńirde revaksınasııa jumystary belsendi júrgizilýde. Qazirge deıin 39 537 adam koronavırýsqa qarsy vaksınanyń úshinshi dozasyn qabyldady.
«Qazirgi tańda óńir «qyzyl» aımaqtar qatarynda. Indet juqtyrýshylar qatary kún saıyn artyp barady. Sondyqtan turǵyndardy vaksınasııalaý mańyzy artyp tur. Qazirgi tańda birinshi komnonentin alǵandar 92,6 paıyzǵa jetti. Al ekinshi komponentin alǵandar 87,8 paıyzdy qurady. Al oblystaǵy 39 537 turǵyn revaksınasııadan ótti.
Sondaı-aq, óńirge 8 myń doza «Spýtnık-V» vaksınasy jetkizilip, barlyq emhanalarǵa jóneltýde. Al «Ffizer» vaksınasyn 22 333 turǵyn qabyldady. Jalpy barlyq emhanalar shtattyq rejımde jumys isteýde», dedi oblystyq densaýlyq saqtaý basqarmasy basshysynyń orynbasary Jangeldi Shaıymbetov.