Atyraýda úsh jylda 6 mıllıon teńgeden astam aqsha jymqyrdy dep aıyptalǵan mektep dırektory sottaldy, dep habarlaıdy Egemen.kz Habar 24 telearnasyna silteme jasap.
Is materıaldaryna sáıkes, bilim mekemesiniń basshysy resmı qujattarǵa jalǵan málimet engizip, bıýdjet qarajatyn negizsiz jumsaýǵa jol bergen. Saldarynan azamattar quqyǵy buzylǵan.
Kýálar men jábirlenýshiler aıǵaǵyn tyńdap, saraptama jáne tekserý materıaldary qorytyndysyn zerdelegen sot eks-dırektorǵa 3,5 jylǵa bas bostandyǵynan aıyrý jazasyn taǵaıyndaǵan. Sonymen qatar, ol memlekettik uıymdarda jumys isteý quqyǵynan aıyryldy. Sottalýshy shyǵyndy tolyǵymen ótep úlgergen.