AQSh-ta NBA-nyń bes dúrkin chempıony, Leıkerstiń burynǵy qorǵaýshysy Kobı Braıant pen onyń qyzy Djıannanyń qurmetine eskertkish turǵyzyldy, dep habarlaıdy Egemen.kz.
Eskertkish Kobı men Djıanna mingen tikushaq qulaǵan jerde ornatyldy. Músinshi Den Medına «Leıkerstiń» jeıdesin kıip, basketbol dobyn ustaǵan qyzyn qushaqtap turǵan sportshyny beınelegen, Eskertkishte Braıanttardyń esimderi men apat saldarynan qaıtys bolǵan basqa da qurbandardyń otbasylary kórsetilgen.
Eske sala ketsek, Kobı Braıant 2020 jyldyń 26 qańtarynda tikushaq apatyna ushyrap, qaıtys boldy. Jeke tikushaq bortynda onyń 13 jasar qyzy Djoanna men taǵy jeti adam boldy.