Oblystyq polısııa departamentiniń baspasóz qyzmeti jol-kólik apaty búgin, saǵat 16:00 shamasynda bolǵanyn málimdedi, dep jazady Egemen.kz.
Atyraý oblysynyń Dossor kentinen Mańǵystaý óńirindegi Beıneý aýdany baǵytyna qatynaıtyn tas joldyń 71-shaqyrymynda eki kólik soqtyǵysqan. Onyń biri – О́zbekstan Respýblıkasynda tirkelgen «MAN» markaly júk tasymaldaıtyn, al, ekinshisi – Almaty oblysynyń turǵynyna tıesili «Toyota Camry» markaly jeńil kólik.
«Jol-kólik apatynyń saldarynan «Toyota Camry» kóliginiń júrgizýshisi men 4 jolaýshysy oqıǵa ornynda mert boldy. Kóz jumǵandardyń ekeýi – kámelet jasyna tolmaǵan jasóspirim», dep málim etti baspasóz qyzmetinen.
Polısııa qyzmetkerleri jol-kólik apatyna baılanysty tergeý amaldaryn júrgizýde.