Máskeýde 22-qabattyń terezesinen qulaǵan oqýshy qyz aýyr jaraqat almaǵan. Oqıǵa dostarymen ótkizgen kesh kezinde boldy, dep habarlaıdy Egemen.kz RIA Novostıge silteme jasap.
Máskeýdegi Bırıýlevo Vostochnoe aýdanyndaǵy kópqabatty úıdiń 22 qabatynyń balkonynan qulaǵan segizinshi synyp oqýshysy tiri qaldy. Qazirgi tańda ol aýrýhanada dárigerlerdiń baqylaýynda jatyr. Quqyq qorǵaý organdarynyń qyzmetkerleri qyzdyń qalaı qulaǵanyn anyqtap jatyr.
Tótenshe jaǵdaı 29 qańtarda Máskeýdegi Zagorevskaıa kóshesindegi kóp qabatty úılerdiń birinde bolǵan.
Quqyq qorǵaý organdarynyń málimetinshe, segizinshi synyp oqýshysy bir balkonnan ekinshi balkonǵa ótpek bolǵan. Oǵan qurbysy kómektesken. Qurbysy onyń qolynan ustap turǵan. Biraq áli jetpeı, oqýshy tómen qulap ketti.
22-shi qabattan qulaǵanyna qaramastan, jasóspirim qyz aýyr jaraqat alǵan joq. Qazir Fılatov aýrýhanasynda dárigerlerdiń baqylaýynda jatyr.
Oqýshyny buǵan ne ıtermelegenin polıseıler anyqtap jatyr. Keıbir málimetter boıynsha, qyz ishimdik ishken.