«QazAvtoJol» UK» AQ basshysy Asqar Maratuly qyzmetinen bosatyldy, dep habarlaıdy Egemen.kz.
Asqar Maratuly óziniń Instagram paraqshasynda búgin sońǵy jumys kúni ekenin jazdy.
Onyń aıtýynsha, respýblıkalyq mańyzy bar 3,6 myń shaqyrym avtojol qaıta jóndeý boıynsha qurylys jumystarymen qamtylǵan.
«Sondaı-aq Almatydaǵy «Altyn Orda» bazarynyń jol aıryǵynda jol júrý qamtamasyz etildi. «Qyzylorda-Jezqazǵan» jolynyń qurylysy boıynsha barlyq kelisý rásimderi ótti. Joba bıyl bastalady. Jol boıyndaǵy servıstiń 20-dan astam obektisi ashyldy. Álemniń jetekshi bankterimen yntymaqtastyq týraly birneshe kelisimge, sondaı-aq iri otandyq kompanııalarmen kópjaqty memorandýmdarǵa qol qoıyldy», dep jazdy ol.
Eks-basshynyń aıtýynsha, qoǵamdyq keńes pen kompanııa qyzmetiniń ashyqtyǵy men aıqyndyǵyn qamtamasyz etý jónindegi arnaıy komıssııa quryldy.