Aqtóbe oblysynda úı órtenip, 5 jasar 2 bala qaza tapty, dep habarlady Egemen.kz Aqtóbe oblysy Tótenshe jaǵdaılar departamentiniń baspasóz qyzmetine silteme jasap.
Qaıǵyly oqıǵa 3 aqpan Qobda aýdany Qyzyljar aýylynda bolǵan. О́rttiń 8 sharshy metrdi aýdandy qamtyǵan.
«Qyzyljar aýylyna eń jaqyn órt sóndirý qyzmeti 80 shaqyrym qashyqtyqta ornalasqan. Oqıǵa ornyna órt sóndirýshiler jetkenshe eriktiler jalynnyń betin qaıtaryp úlgerdi. Degenmen úıde 2017 jyly týǵan egiz bala bolǵan. Ekeýi tútinge ýlandy. Sol ýaqytta ata-analary jumysta bolǵan eken. Boljam boıynsha ot elektr toǵynyń qysqa tuıyqtalýynan shyqqan», delingen habarlamada.