4 aqpan kúni Aqtóbe qalasyndaǵy kóp qabatty úılerdiń birinde órt shyqty. Jalyn shyqqan úıden 13 adam qutqarylyp, 60 adam evakýasııalandy, dep habarlaıdy Egemen.kz.
«4 aqpanda Aqtóbe oblysy TJD kezekshi-dıspetcherlik qyzmetiniń pýltine Aqtóbe qalasynyń 11 shaǵyn aýdanyndaǵy toǵyz qabatty turǵyn úılerdiń birinde órt shyqqany týraly habarlama kelip tústi.
Shaqyrý ornyna kelgennen keıin órt 1 qabatta paıda bolǵany jáne 15 sharshy metr alańda sóndirilgeni anyqtaldy. TJM qyzmetkerleri joǵarǵy qabattardan qatty tútindeý nátıjesinde baspaldaq marshy arqyly 13 adamdy, onyń ishinde 5 balany qutqardy. Sondaı-aq 60 adam, onyń ishinde 9 bala evakýasııalandy. О́rt ornynda 1963 jyly týǵan er adamnyń denesi tabyldy», dep habarlady TJD baspasóz qyzmeti.