Jappaı tártipsizdikterdi uıymdastyrdy jáne olarǵa qatysty degen kúdikke ilingen 467 adam qamaýǵa alynǵany málim boldy. Bul týraly Arnaıy prokýrorlar qyzmetiniń basshysy Rızabek Ojarov aqparat taratty, dep habarlaıdy Egemen.kz.
«Olardyń jeke basy men otbasylyq jaǵdaıy, jasyn, densaýlyǵy taǵy basqa máseleler nazarǵa alyndy. Istegen tirligine kózqarasyn jáne basqa da sıpattaıtyn derekterdi jan-jaqty taldaımyz.
Barlyq derekterdi taldaǵan arnaıy prokýrorlar 76 kúdikti tergeý ızolıatorynan bosatty. Qamaýǵa alý eshqaıda ketpeý týraly jazbasha mindettememen, úıqamaqpen jáne jeke kepildikpen aýystyryldy», dedi ol.
Rızabek Ojarovtyń aıtýynsha, olardyń arasynda eki áıel men toǵyz kámeletke tolmaǵan balalar bar.
«Tergeý ızolıatorlarynda kezdeısoq tulǵalardyń joqtyǵyn ashyq aıtamyz. Tek aýyr jáne asa aýyr qylmystar týraly aıǵaqtary barlar ǵana qamaýǵa alynady», dedi ol.