Almatyda qoǵam ókilderi Prezıdent ákimshiligi basshysynyń orynbasary Aıda Balaevamen birge túrli memlekettik baǵdarlamalardy júzege asyrý, ÚEU jumysy, qoǵammen ózara is-qımyl, memlekettik organdardyń kommýnıkasııa sapasyn arttyrý, memleket basshysynyń negizgi bastamalaryn iske asyrýǵa jurtshylyqty tartý, sondaı-aq memlekettik tildi túrli salalarda qoldaný máselelerin talqylady, dep habarlaıdy Egemen.kz.
Qoǵamnyń memlekettik tilge degen qatynasyn talqylaý - kezdesýdiń mańyzdy sátteriniń biri boldy. Kezdesýge qatysqan jurtyshylyq memlekettik tildi barshaǵa bilý talaby keıde qazaqstandyqtarda bir mándi emes reaksııa týdyrady degen pikirge keldi.
Lıngvıst Anar Fazyljannyń pikirinshe, tildiń sapaly jumys isteýine birneshe faktor kedergi keltiredi. Bul qazaq tilindegi kontenttiń sapasynyń tómendigi, ony túrli saladaǵy mamandardyń ıemdenbeýiniń belgisi. Búgingi tańda latyn álipbıin qoldaný erekshe nazar aýdarýdy talap etedi. Sol sebepten bul máselege biryńǵaı standartty engizý qajet, dep esepteıdi fılolog.
Anar Fazyljannyń aıtýynsha, latyndandyrý - jahandyq úderisterdiń biri. Latyn qarpi dástúrli grafıkamen qatar Qytaıda, Ázirbaıjanda jáne Azııa qurlyǵynyń basqa elderinde qoldanylady. Elimizge «Memlekettik til týraly» jańa zań qajet, onda memlekettik tildi bilý - árbir azamattyń paryzy dep jazylǵany quba-qup bolar edi, dep esepteıdi lıngvıst.
Sarapshylardyń pikirinshe, Almaty jurtshylyǵy úkimettik emes sektordyń enjarlyǵyna alańdaýly. Qazaqstanda 22 myńnan astam ÚEU tirkelgen. Alaıda, olardyń tek 5 myńǵa jýyǵy belsendi jumys isteıdi.
«Qazaq ádebıeti» gazetiniń bas redaktory Dáýren Qýat jastarǵa qoldanystaǵy memlekettik baǵdarlamalardy túsindirý boıynsha bastama kótermeıdi, dep esepteıdi.
ÚEU qyzmetiniń taqyryby Qazaq ulttyq ýnıversıtetinde jalǵasyn tapty.
«Memlekettik organdarmen barlyq baǵyttar boıynsha syndarly dıalog ornatý qajet», dedi Aıda Balaeva.
QR Prezıdenti Ákimshiligi Basshysynyń orynbasary aldaǵy saılaý naýryz aıynda qoǵamdyq keńesterdiń belsendi atsalysýymen ótýi tıis ekenin atap ótti.
«Memlekettik organdarmen tyǵyz jumys istegen kezde jurtshylyqtyń usynystary tyńdalyp qana qoımaı, iske asyrylatyn bolady», dep qosty Aıda Balaeva.
Kezdesýde aqparattyq keńistik te taǵy bir qyzý talqylaýdyń taqyrybyna aınaldy. Qatysýshylardyń paıymdaýynsha, dástúrli BAQ-qa qaraǵanda, blogerler kóbinese tek óz pikirlerin bildiredi, al keıde tekserilmegen aqparatty da jarııalaıdy.
Aıda Balaevanyń aıtýynsha, kezdesýde aıtylǵan barlyq usynystar men ıdeıalar zerdelenip, olardyń ishindegi eń syndarly usynystar iske asyrylatyn bolady.