Ulttyq ekonomıkanyń birinshi vıse-mınıstri Tımýr Jaqsylyqov Qazaqstandaǵy ekonomıkalyq jaǵdaı men eldegi sońǵy ekonomıkalyq bastamalar týraly aıtyp berdi, dep habarlaıdy Egemen.kz.
QR Ulttyq ekonomıka mınıstrliginiń baspasóz qyzmeti habarlaǵandaı, Premer-Mınıstrdiń orynbasary - Syrtqy ister mınıstri Muhtar Tileýberdiniń sheteldik memleketterdiń Qazaqstandaǵy elshilerimen kezdesýi barysynda Ulttyq ekonomıkanyń birinshi vıse-mınıstri Tımýr Jaqsylyqov qańtardaǵy oqıǵalar Qazaqstan ekonomıkasyna aıtarlyqtaı áser etpeıtinin atap ótti.
«О́tken jyly ekonomıkalyq ósim serpindi traektorııaǵa shyqty. Naqty JIО́ bastapqy boljamnan 3,1% asyp, 4% qurady», dedi Tımýr Jaqsylyqov.
Sondaı-aq, ol qazirgi ýaqytta Ulttyq ekonomıka mınıstrligi Prezıdenttiń bastamalaryn iske asyrý boıynsha Úkimettiń 2022 jylǵa arnalǵan is-qımyl baǵdarlamasyn ázirleý máseleleri boıynsha belsendi jumys júrgizip jatqanyn atap ótti.
Qujatta Úkimettiń ınklıýzıvti ekonomıkalyq ósýdi yntalandyrý, makroekonomıkalyq turaqtylyqty qamtamasyz etý jáne kásipkerlikti damytý jónindegi jumysy naqtylanatyn bolady.
Budan basqa, birinshi vıse-mınıstrdiń aıtýynsha, qazirgi ýaqytta QR UEM halyqtyń tabysyn arttyrý baǵdarlamasyn ázirleýmen aınalysýda. Osy jumys sheńberinde kedeılik pen jumyssyzdyq boıynsha naqty jaǵdaıdy taldaý negizinde júıeli sıpattaǵy sharalar ázirleý josparlanýda.
Sondaı-aq, mınıstrlik kvazımemlekettik sektor sýbektilerin túbegeıli reformalaý boıynsha usynystar ázirleýde.
Tımýr Jaqsylyqov atap ótkendeı, Ulttyq ekonomıka mınıstrligi eldegi áleýmettik-ekonomıkalyq jaǵdaıdy turaqtandyrý boıynsha jedel is-sharalar josparyn qabyldady, onda azamattar men kásipkerlik sýbektileriniń qaýipsizdigin qamtamasyz etýge jáne jan-jaqty qoldaýǵa, sondaı-aq eldegi áleýmettik-ekonomıkalyq jaǵdaıdy jedel turaqtandyrýǵa baǵyttalǵan birqatar shuǵyl jáne qysqa merzimdi sharalar bar.
«Bul jospar Memlekettik organdardyń taıaý aılar ishinde tıisti mindetterdi úılestire oryndaýyna baǵyttalǵan. Ony iske asyrý eldegi ekonomıkalyq jaǵdaıdy jedel qalpyna keltirýge jáne qalypty ómirge oralýǵa ákeledi», dep qosty QR Ulttyq ekonomıka birinshi vıse-mınıstri.
Tımýr Jaqsylyqov qańtardaǵy qaıǵyly oqıǵalarǵa baılanysty vedomstvoda jyldyq ekonomıkalyq ósýge eleýli yqpal bolmaıdy dep qorytyndylady. Onyń aıtýynsha. ekonomıkalyq belsendilik ýaqytsha jáne tek jekelegen aımaqtarda ǵana buzyldy.
Ol zardap shekkenderge, sonyń ishinde ShOB, JK jáne halyqqa barlyq qajetti kómek kórsetiletinin eske saldy.