Búgin Beıjińde ótip jatqan qysqy Olımpıadada erler arasynda shańǵy qossaıysynan úlken tramplın sekirý (K-125) saıysynan jarystar ótti, dep habarlaıdy Egemen.kz.
Atalǵan saıysta Qazaqstan namysyn Shyńǵys Raqparov qorǵady. El atleti jarys qorytyndysy boıynsha 111,5 metr qashyqtyqqa «ushyp» 69,6 upaı jınady. Nátıjesinde 38-orynǵa turaqtady.
Bul synda úzdik nátıjeni Norvegııa ókili Iаrl Magnýs Rııber (139,8) kórsetse, ekinshi oryn estonııalyq atlet Krıstıan Ilveske (128,7) buıyrdy. Al úzdik úshtikti japonııalyq Rıota Iаmamoto (128,7) túıindedi.
Endi Shyńǵys Raqparov elorda ýaqytymen saǵat 17:00-de gýndersen júıesi boıynsha (10 shaqyrym) el namysyn qorǵaıdy. Bul onyń Beıjiń Olımpıadasyndaǵy sońǵy jarysy.