Elorda tutynýshylarynyń shaǵymy negizinde, Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý komıtetiniń Nur-Sultan qalasy boıynsha departamenti «Astanaenergosbyt» JShS jáne «Astana – AEK» AQ-na qatysty aǵymdaǵy jylǵy túbirtekterde kórsetilgen elektr energııasy úshin tólem somalaryn esepteýdiń negizdiligi bóliginde jospardan tys tekserý taǵaıyndady, dep habarlaıdy Egemen.kz.
QR UEM Tabıǵı monopolııalardy retteý komıtetiniń Nur-Sultan qalasy boıynsha departamenti tabıǵı monopolııalar salasyna jatqyzylǵan qyzmetti baqylaý men retteýdi júzege asyratyn Qazaqstan Respýblıkasynyń memlekettik organy bolyp sanalady.
Osyǵan baılanysty, tabıǵı monopolııalar sýbektileriniń is-áreketterimen kelispegen jaǵdaıda, atap aıtqanda kommýnaldyq qyzmetter boıynsha tólem somalary joǵary túbirtek kelip túsken kezde, elordanyń árbir turǵyny TMRKD-nyń atyna: Nur-Sultan qalasy, Petrov kóshesi, 5 mekenjaıy boıynsha nemese k.kense@economy.gov.kz. e-mail ótinish berýge quqyly.