Memleket basshysy 29 qańtarda «Habar 24» arnasynda kórsetilgen suhbattyń nelikten orys tilinde júrgizilgenin túsindirdi, dep habarlaıdy Egemen.kz.
– Bul eshqandaı da kemsitýshilik nemese mensinbeýshilik emes. Osyǵan deıin kóptegen telearna menen birneshe ret suhbat berýdi suraǵan bolatyn. Men olardyń eshqaısysyna kelisken joqpyn. Keıin tek «Habar 24» arnasyna ǵana suhbat beremin dep sheshtim. Sebebi el ishinde kóptegen jalǵan aqparat tarap jatty, solarǵa toqtaý salý kerek boldy. Sol suhbat orys tilinde jasaldy. О́ıtkeni, Qazaqstandaǵy ahýal jóninde shynaıy aqparatty, eń aldymen, álem jurtshylyǵyna berý kerek edi. Sodan keıin sheteldik aqparat quraldary suhbatty keńinen taratyp, barynsha paıdalandy. Ony ózińiz bilesiz, – dedi Qasym-Jomart Toqaev.
Prezıdent orys tili – Birikken Ulttar Uıymynyń alty resmı tiliniń biri ekenin aıtty.
– Ony moıyndaýymyz kerek. Al, qazaq tilindegi suhbattyń óz aýdıtorııasy bar. Jalpy, memlekettiń máselesin memlekettik tilde aıtýymyz kerek. Tilimiz bizden basqa eshkimge keregi joq. Sondyqtan, eń aldymen, ózimiz ana tilimizge qurmet kórsetýimiz kerek dep oılaımyn, – dedi Memleket basshysy.