QR Premer-Mınıstri Álıhan Smaıylov elordada ótip jatqan «Atameken» ulttyq kásipkerler palatasynyń kezekten tys IH sezinde «Samuryq-Qazyna» ulttyq áleýmettik qorynda satyp alýdyń jańa tártibi ázirlengenin aıtty, dep jazady Egemen.kz.
Álıhan Smaıylov óńirlerdegi shaǵyn jáne orta bızneske basymdyq berý men memlekettik qoldaý sharalaryn usynýdyń tıimdiligi men ashyqtyǵyn arttyrý mindeti turǵanyn jetkizdi.
«Samuryq-Qazyna» qorynda satyp alýdy júzege asyrýdyń jańa tártibiniń jobasy ázirlendi. Ol birinshi kezekte satyp alýdyń ashyqtyǵyn arttyrýǵa jáne ońaılatýǵa, jergilikti óndirýshiler men jetkizýshilerdi qoldaýǵa baǵyttalǵan. Bul sharalar 10 myń shaǵyn jáne orta bıznes sýbektisine kómektesýge múmkindik beredi. Otandyq taýar óndirýshilerden 400 mlrd teńgege shamamen 10 myń taýar pozısııasy satyp alynady. Odan basqa, zań júzinde ashyqtyqty arttyrý jáne jer qoınaýyn paıdalaný quqyǵyn berý jáne kelisimsharttardyń talaptaryn ózgertý rásimderin ońaılatý josparlanýda», dedi Úkimet basshysy.