Taıaýda ǵana Ispanııada aıaqtalǵan «Haen Klassıkasynda» top jarǵan qazaqstandyq veloshabanbdoz Alekseı Lýsenko sol eldegi «Andalýsııa Výeltasy» kópkúndiginde de tabysty óner kórsetýde.
Atalǵan jarystyń tórtinshi týrynda Astana Qazaqstan Team klýbynyń serkesi nıderlandııalyq Vaýt Pýlstan ǵana qalyp qoıyp, ekinshi oryndy ıelendi. «Pelatonnan ozyp ketý úshin kóp kúsh jumsadym. Onyń ústinde kúni keshe ǵana «Haen Klassıkasyna» qatysqan edim. Ol dodada da biraz ter tógýge týra keldi. Sol saıystarda biraz sharshańqyrap qalǵanym osy kezeńde anyq sezildi. Biraq birinshi oryn almasam da, búgingi kórsetkishime kóńilim toldy. Endi bizdi fınaldyq kezeń kútip tur. Ol taýly aımaqta ótedi. Sol básekede de barymyzdy salamyz», deıdi Andreı Lýsenko.
«Andalýsııa Výeltasynyń» tórtinshi kezeńinen keıin Qyzǵaldaqtar eliniń ókili Vaýt Pýls kósh basyna shyqty. Ekinshi orynda Astana Qazaqstan Team klýbynyń múshesi Anhel Lopes. Al jalpykomandalyq esepte qazaqstandyq ujym aldyna jan salar emes.