Atyraýdaǵy kópbalaly ananyń ólimine qatysty úkim shyqty. Qylmys jasaǵan er adam 10 jylǵa bas bostandyǵynan aıyryldy, dep habarlaıdy Egemen.kz.
«Moı gorod» basylymynyń habarlaýynsha, 35 jastaǵy jeti balanyń anasyn óltirgeni úshin 25 jastaǵy er adamǵa mamandandyrylǵan aýdan aralyq qylmystyq sot isi úkim shyǵardy.
Is materıaldaryna sáıkes, 2021 jyldyń naýryz aıynda sottalýshy jábirlenýshiniń ótinishi boıynsha birneshe ret bankterde nesıelerdi óz atyna resimdegen. Alaıda, keıinirek áıel nesıe tóleýden bas tartqan.
«25 qarashada sottalýshy jábirlenýshimen kezdesip, ashý ústinde ony birneshe ret pyshaqtap, oqıǵa ornynan qashyp ketken. Aýyr dene jaraqatynan áıel oqıǵa ornynda qaıtys boldy. Sottalýshy kinásin tolyq moıyndap, jasaǵan isine ókindi», dep jazylǵan habarlamada.
Sondaı-aq qylmyskerdiń jábirlenýshýge kórsetken áreketi saraptama qorytyndylarymen, sondaı-aq beınejazbalarmen rastalady.
Sot úkiminiń sheshimi boıynsha er adam kisi óltirgeni úshin kináli dep tanylyp, oǵan 10 jylǵa bas bostandyǵynan aıyrý jazasy taǵaıyndaldy.
Aıta ketetin jaıt, marqumnyń artynda jeti balasy qaldy, olardyń eń kishisi bes jasta.
Aıana Toǵanbek,
EUÝ stýdenti