Shveısarııanyń Non qalasynda ornalasqan ÝEFA-nyń shtab-páterinde 2023 jyly ótetin áıelder arasyndaǵy Eýropa chempıonatynyń irikteý saıystarynyń jerebesi tartyldy.
Qazaqstan quramasy «S» tobyna tústi. Qarsylastarymyz – Slovenııa, Bosnııa men Gersegovına jáne Lıtva fýtbolshylary. Bul básekeler 10-15 mamyr aralyǵynda Baltyq jaǵalaýynda ótedi. «A» tobynda Nıderland, Serbııa, Soltústik Irlandııa jáne Latvııa kúsh synassa, «D» tobynda Belgııa, Slovakııa, Gıbraltar jáne Moldova sheberlik baıqasady. Ár tórttikte top jarǵan komandalar kelesi jyldyń qańtar aıynda shymyldyǵy túriletin irikteý týrnıriniń negizgi bóligine joldama alady. Al sol synaqtan súrinbeı ótkenderi qart qurlyqtyń eń úzdik komandalary bas qosqan baıraqty básekede óner kórsetý múmkindigine ıe bolady.
Esterińizge sala keteıik, sońǵy Eýropa chempıonaty 2017 jyly Nıderlandta ótken bolatyn. Fınalda alań ıeleri Danııa quramasyn 4:2 esebimen utyp, altynnan alqa taqty.