Elordada tórt kólik soqtyǵysty, dep habarlaıdy Egemen.kz.
Oqıǵa 22 aqpanda keshki saǵat 19.22-de Túrkistan kóshesinde bolǵan.
«Hyundai» markaly kóliktiń 31 jastaǵy júrgizýshisi Túrkistan kóshesimen Orynbor kóshesine qaraı ketip bara jatyp baǵdarshamnyń tyıym salǵan túsine ótip ketken.
Nátıjesinde ol «Subaru XV» kóligimen soqtyǵysty. Al «Subaru XV» ınersııamen «Subaru Legacy» jáne «Chevrolet Malibu» kólikterin soqty
Jol-kólik oqıǵasy saldarynan tórt azamat zardap shekti. Olardyń bárine medısınalyq kómek kórsetildi. Eki adam aýrýhanaǵa jetkizildi.
Atalǵan fakti boıynsha tergeý jumystary júrgizilýde. Elorda aýmaǵynda bir táýlikte 115 jol-kólik oqıǵasy tirkeldi. Polısııa departamenti júrgizýshiler men jaıaý júrginshilerdi jolda asa qyraǵy bolyp, jol qozǵalysy erejelerin saqtaýyn suraıdy.