Búgin Bolgarııa astanasy Sofııa qalasynda ótip jatqan «Strandja kýbogy» dodasynyń jartylaı fınaldyq jekpe-jekteri ótedi. Qazaqstan namysyn qorǵap jatqan birneshe arýymyz ben jigitterimiz fınalǵa shyǵýǵa tyrysyp kóredi, dep habarlaıdy Egemen.kz.
18.00-de bastalatyn kúndizgi sessııada sharshy alańǵa arýlar kóteriledi. 50 keli salmaq dárejesinde topqa túsip júrgen Nazym Qyzaıbaı, 54 keli salmaqtaǵy Dına Jolaman, 60 keli salmaqtaǵy Rımma Volosenko, 66 keli salmaqtaǵy Darıǵa Shakımova, 70 keli salmaqtaǵy Valentına Halzova, 75 keli salmaqtaǵy Nadejda Rıabes, 81 keli salmaqtaǵy Anastasııa Baıazıtova jáne asa aýyr salmaqtaǵy Lázzat Kúngeıbaeva kúndizgi sessııada qarsylastarynan aılasyn asyrýdyń amaldaryn qarastyrady.
22.00-de bastalatyn keshki sessııada sharshy alańǵa 48 keli salmaqtaǵy Sanjar Táshkenbaı, 51 keli salmaqtaǵy Damır Ábdiqadir men Tımýr Qabdeshov, 54 keli salmaqtaǵy Mahmud Sabyrhan, 63,5 keli salmaqtaǵy Abzal Serik, 67 keli salmaqtaǵy Dýlat Bekbaýov, 86 keli salmaqtaǵy Saǵyndyq Toǵambaı, 92 keli salmaqtaǵy Abzal Quttybekov jáne asa aýyr salmaqtaǵy Nurlan Saparbaı kóteriledi.