Badlefthook.com saıtynyń avtory Patrık Stamberg ekinshi orta salmaqqa kóterilip, ulybrıtanııalyq Zak Parkermen qolǵap túıistirýge bekingen Demetrıýs Andradeniń armanyn ekinshi orta salmaqtaǵy álemniń absolıýtti chempıony Saýl Alvarestiń jospary buzatynyn aıtty, dep habarlaıdy Egemen.kz sports.kz-ke silteme jasap.
«Belgili promoýter Frenk Ýorren promoýterlik satylymda jeńiske jetkeni málim. Bul Andrade men Parker arasyndaǵy jekpe-jek Ulybrıtanııada ótetinin bildiredi. Eki boksshy ekinshi orta salmaqtaǵy álemniń ýaqytsha chempıony ataǵyn sarapqa salady. Shaıqastyń nátıjesine qaramastan Andrade WBO tujyrymy boıynsha orta salmaqtaǵy álem chempıony ataǵyn saqtap qalady. Alaıda ol qaı salmaqta synǵa túsetinin tańdaıdy. Ne ekinshi orta salmaqta qalady ne bolmasa Álimhanuly-Mýngııa kezdesýiniń jeńimpazymen qolǵap túıistiredi. Bul jerde Andradede úlken tańdaý joq. Onyń armany – «Kanelomen» qolǵap túıistirý. Bylaısha aıtqanda Demetrıýs Andradeniń armanyn «Kanelonyń» jospary joqqa shyǵarýy ábden múmkin», deıdi ol óz oıymen bólisip.