Oqıǵa 26 aqpan kúni bolǵan. Keshki saǵat 18:25-te Pavlodar oblysy TJ departamentiniń «112» pýltine jeńil kóliktiń muz astyna túsip ketkeni týraly habarlama kelip tústi, dep habarlaıdy Egemen.kz.
Oqıǵa Pavlodar qalasynda Ýsolka shaǵyn aýdanynyń «Ertis Olympic» basseıniniń janynda boldy. «Nıva» kóligi muz astyna túsip ketti. Kelgen qutqarýshylar júkshyǵyr men arqandardyń kómegimen kólikti jaǵaǵa shyǵardy.
«Qaza bolǵandar men zardap shekkender joq. Oqıǵa ornyna oblystyq TJD jeke quramynan 10 adam men eki tehnıka jáne «102» qyzmeti jumyldyryldy», dep málimdedi Pavlodar oblysy Tótenshe jaǵdaılar departamentiniń baspasóz qyzmeti.