Jalpy respýblıkada áleýmettik medısınalyq saqtandyrý qory 2022 jyly halyqqa medısınalyq qyzmet kórsetýge 1389 medısınalyq uıymmen shart jasasty, olardyń jartysynan kóbi – jeke uıymdar, dep habarlaıdy Egemen.kz Nur-sultan qalasy áleýmettik medısınalyq saqtandyrý fılıalynyń baspasóz qyzmetine silteme jasap.
«Bul pasıenttiń eń jaqsy klınıkany tańdaý múmkindigi. Búgingi kúni Qor Nur-sultan qalasy boıynsha 113 medısınalyq qyzmet jetkizýshimen shart jasasty, onyń ishinde 76 klınıka jeke tulǵalar. Jalpy respýblıka boıynsha áleýmettik medısınalyq saqtandyrý qory 2022 jyly halyqqa medısınalyq qyzmet kórsetýge 1389 medısınalyq uıymmen shart jasasty, olardyń jartysynan kóbi – jeke uıymdar. Bıyl halyqqa medısınalyq qyzmetterdi qarjylandyrýǵa 2 trln teńge, onyń ishinde MÁMS júıesinde 838 mlrd teńge qarastyrylǵan», dep habarlaıdy Qordyń Nur-sultan qalasynda ornalasqan fılıalynyń baspasóz qyzmeti.
Áleýmettik medısınalyq saqtandyrý qorynda atap ótilgendeı, mindetti áleýmettik medısınalyq saqtandyrý júıesi «aqsha pasıenttiń izimen júredi» qaǵıdaty boıynsha jumys isteıdi.
Pasıenttiń qandaı da bir tekserýlerden ótý kezinde Qordyń kórsetiletin qyzmetterin berýshiler tizbesinen medısınalyq uıymdy tańdaýǵa quqyǵy bar. Ol úshin ýchaskelik dárigerdiń nemese óz emhanasyndaǵy mamannyń joldamasy bolýy qajet.