QR Ortalyq saılaý komıssııasynyń múshesi Asylbek Smaǵulov Májilis depýtaty Darıǵa Nazarbaeva mindetterin atqarýdan óz erkimen bosatý týraly ótinish bergenin málim etti, dep habarlaıdy Egemen.kz.
«Osyǵan oraı QR Ortalyq saılaý komıssııasy sizderdiń nazarlaryńyzǵa zańnamaǵa sáıkes, Parlament Májilisiniń depýtaty Darıǵa Nazarbaevanyń ótinish berýine baılanysty onyń ókilettigin merziminen buryn toqtatý týraly máseleni sheshý úshin usynym engizip otyr», dedi Asylbek Smaǵulov.
Palata depýtattary bul usynymǵa qoldady.
Aıta keteıik, 25 aqpan kúni Ortalyq saılaý komıssııasy Májilis depýtaty Darıǵa Nazarbaevanyń ókilettigin toqtatý jóninde qaýly shyǵarǵan bolatyn.