Atyraý oblysy Qurmanǵazy aýdanynda 16 aýyl jeldiń saldarynan jaryqsyz qaldy, dep habarlaıdy Egemen.kz Atyraý oblystyq TJD-ǵa silteme jasap.
5 naýryzda saǵat 03.10-da Qurmanǵazy aýdanynda aýa raıynyń nasharlaýyna baılanysty (qatty jel - ekpini sekýndyna 22-23 metr) ishinara Qurmanǵazy, Orly, Shortanbaı, Nurjaý, Jańatalap, Qıǵash, Birlik, Aqkól, Maqash, Dyńǵyzyl, Teńiz, Safon, Baıda, Kóptoǵaı, Eńbekshil, Kýdrıashov (abonent sany 52 907) eldi mekenderinde elektr energııasyn berý avarııalyq jaǵdaıda toqtatyldy.
Jóndeý-qalpyna keltirý jumystaryn «Atyraý Jaryq» AQ júrgizip jatqanyn habarlady. 10 avarııalyq brıgada jáne 3 tehnıka jumyldy.
«6 naýryzda saǵat 11.30-daǵy jaǵdaı boıynsha Orly, Shortanbaı aýyldary jáne ishinara Qurmanǵazy kentinde jaryq qosyldy. Qalǵan eldi mekenderde qosylmady (abonent sany - 38 333). Qazirgi ýaqytta qalpyna keltirý jumystary jalǵasyp jatyr», dep habarlady oblystyq TJD ókilderi.