Almaty oblysynda adam qaǵyp, qashyp ketken júrgizýshi qolǵa tústi, dep habarlaıdy Egemen.kz.
Almaty oblystyq Polısııa departamentiniń baspasóz qyzmeti habarlaǵandaı, 20 aqpan kúni Taldybulaq-Aqbulaq jolynda Almaty qalasynyń 33 jastaǵy turǵynyn kólik qaǵyp ketken.
Jábirlenýshi aýrýhanaǵa jatqyzyldy, biraq birneshe kúnnen soń jansaqtaý bóliminde kóz jumdy. Polıseıler oqıǵa ornynda kóliktiń qaldyqtaryn taýyp, tergeý jumystaryn bastady. Nátıjesinde 28 jastaǵy kúdikti anyqtalyp, polısııa bólimshesine jetkizildi.
«Atalǵan is boıynsha QR Qylmystyq kodeksiniń 345 jáne 347-shi baptaryna sáıkes is qozǵalyp, tergeý júrip jatyr. Kúdikti adamdy qaǵyp, oqıǵa ornynan qashyp ketkenin moıyndady. Kólik aıyp turaǵyna qoıyldy. Qajetti sot-medısınalyq saraptamalar taǵaıyndaldy», delingen vedomstvo habarlamasynda.