Memlekettik qyzmet isteri agenttigi memlekettik qyzmetke qabyldaý erejesine ózgerister engiziletin buıryqty daıyndady, dep habarlaıdy Egemen.kz.
Atap aıtqanda, ortalyq memlekettik organdarda, sondaı-aq jergilikti atqarýshy organdarda, máslıhat apparattarynda, tekserý komıssııalarynda, ortalyq memlekettik organdardyń aýmaqtyq bólimshelerinde personaldy basqarý qyzmetiniń basshysy laýazymyna ornalasýǵa konkýrs ótkizý kezinde konkýrstyq komıssııanyń quramyna ýákiletti organnyń aýmaqtyq bólimshesiniń ókilin engizý usynylady.
Agenttiktiń esepteýinshe, bul atalǵan laýazymdarǵa irikteýdiń ashyqtyǵy men tıimdiligin arttyrýǵa, sondaı-aq memlekettik organdardyń kadrlyq áleýetin arttyrýǵa múmkindik beredi.
Qujat 30 naýryzǵa deıin «Ashyq NQA» saıtynda jarııa talqylaý úshin ornalastyrylǵan.